Зәй Идел буе федераль округының чаңгы ярышлары буенча яшүсмерләр беренчелеген кабул итә

31 гыйнвардан 4 февральгә кадәр Зәй муниципаль районының “Ялта – Зәй” спорт әзерлеге үзәгендә Идел буе федераль округының чаңгы ярышлары буенча яшүсмерләр (2000-2001елларда туган һәм аннан яшерәк кызлар һәм егетләр) беренчелеге үтә. Анда җиңүчеләр Бөтенроссия беренчелеге финалына юлламалар алалар.
Турнирда Россиянең 14 төбәгеннән 190 спортчы катнаша. Ярышларның беренче көнендә кызлар 10 километрга, егетләр – 15 километрга классик стильдә узышты.
Бүген яшь спортчылар ирекле стиль белән спринтта иң яхшыларны ачыклады. 3 февральдә исә аларны ирекле стильдә 5 һәм 10 километрлы дистанцияләр көтә. Беренчелек эстафета белән тәмамланачак.