Әгъзам Гобәйдуллин Татарстан нефтихимиясе башкаласында булып кайтты

Узган шимбәдә “Татарстан Республикасы муниципаль берәмлекләре Советы” Ассоциациясе Рәисе Әгъзам Гобәйдуллин Түбән Кама муниципаль районына эш сәфәре кылды. Визит барышында ул Түбән Кама муниципаль районы җирлекләре башлыклары белән эшлекле очрашу үткәрде. Аның барышында 2017 елда муниципаль берәмлекнең социаль-икътисади үсешенә йомгак ясалды һәм агымдагы елга бурычлар куелды.  
Шулай ук Әгъзам Гобәйдуллин меценат, Татарстанда танылган спортчы Ленар Гаянов һәм “М7” компаниясе призларына кече яшүсмерләр арасында ирекле көрәш буенча традицион Бөтенроссия турнирын ачуда катнашты.