Татарстанда сайлау комиссиясе әгъзалары өчен өйрәтү семинарлары дәвам итә

Татарстан Республикасы Үзәк сайлау комиссиясе территориаль һәм участок сайлау комиссияләре әгъзалары өчен өйрәтү семинарларын дәвам итә.
20-21 февраль көннәрендә дәресләр Түбән Кама, Ютазы, Зәй, Баулы, Азнакай һәм Әлмәт муниципаль районнарында була. Уку барышында сайлау комиссияләре әгъзаларына «мобиль сайлаучылар» һәм сайлау бюллетеньнәрен эшкәртү комплекслары белән эшләү турында сөйләячәкләр. Моннан тыш, тынлаучыларга шикаятьләрне һәм гаризаларны карау тәртибе, сайлаучылар исемлекләре һәм беркетмәләр белән эшләү кагыйдәләре турында исләренә төшерәчәкләр.