Нурлат муниципаль районы башлыгы урынбасары күпъеллык нәтиҗәле хезмәте өчен бүләкләнде

Шушы көннәрдә Татарстан Республикасы Президенты Рөстәм Миңнеханов Указы белән районның социаль-икътисади үсешенә зур өлеш кертүе һәм күпъеллык нәтиҗәле хезмәте өчен Нурлат муниципаль районы башлыгы урынбасары Флюра Ногманова “Татарстан Республикасы алдындагы казанышлары өчен” орденының медале белән бүләкләнде.
“Татарстан Республикасы муниципаль берәмлекләре Советы” Ассоциациясе коллективы Флюра Рәшит кызын лаеклы бүләк һәм үткән юбилее белән котлый, аңа ныклы сәламәтлек, бетмәс-төкәнмәс көч-куәт, республика җирле үзидарәсе органнары хакына барлык эшләре һәм башлангычларында уңышлар тели!