Бөек Ватан сугышында Җиңү Көне белән “Татарстан Республикасы Муниципаль берәмлекләре Советы” Ассоциациясе Рәисе Әгъзам Гобәйдуллин котлавы
Хөрмәтле хезмәттәшләр! Сезне чын йөрәктән кыюлык һәм батырлык, ныклык һәм каһарманлык бәйрәме – Бөек Ватан сугышында Җиңүнең 73 еллыгы белән тәбрик итәм!
Җиңү көне – илебездәге һәр кеше өчен әһәмиятле һәм дулкынландыргыч бәйрәм, без аны Ватаныбызны яклаган данлыклы өлкән буыныбызны искә алу, фронтта һәм тылда Бөек Җиңүне якынайту өчен фидакарьләрчә көрәшкән һәркемгә чиксез хөрмәт көне буларак билгеләп үтәбез. Бу хис безне берләштерә һәм теләсә-нинди сынауларны да үтәргә булыша. Өлкәннәребез яулаган җиңү бүген дә безне яңа казанышларга илһамландыра, рухыбызны ныгыта, кыенлыкларны җиңәргә һәм алга барырга этәргеч бирә.
Сезгә ихлас күңелдән исәнлек-саулык, бәхет, иминлек, тыныч аяз күк һәм Россиянең якты киләчәгенә сүрелмәс ышаныч телим.
Хөрмәт белән,
Рәис Ә.С. Гобәйдуллин