Белем көнендә Әгъзам Гобәйдуллин Тәтешнең 1нче урта гомуми белем мәктәбендә булды
1 сентябрьдә белем көнендә “Татарстан Республикасы муниципаль берәмлекләре советы” Ассоциациясе Рәисе Әгъзам Гобәйдуллин Тәтеш муниципаль районының 1нче урта гомуми белем мәктәбендә бәйрәм линейкасына килде. Ул укытучыларны, укучыларны һәм ата-аналарны яңа уку елы башлану белән ихлас котлады һәм Татарстан Республикасы Президенты Рөстәм Миңнеханов котлавын укыды. Тантаналы чарада Тәтеш муниципаль районы башлыгы Рәмис Сафиуллов та катнашты.
Мәктәп директоры Илдар Фәткуллов бәйрәмгә җыелучыларны шулай ук котлады һәм мәгариф учреждениеләрен капиталь төзекләндергән өчен район һәм республика җитәкчеләренә рәхмәтен җиткерде.
Чараны үз иҗатлары белән укучылар үзләре үк бизәде. Беренче сыйныфка килүчеләр шигырь укыды, өлкән класс укучылары бию номерлары, җырлары белән шатландырды.