Борынгы шәhәр тарихы символы

Шимбә көнне, ягъни 25 майда Спас районының Болгар шәhәрендә Идел Болгарында 10 гасырда ислам кабул итүгә багышланган ”Изге Болгар Җыены” тантанасы узды. Тантанада Татарстан Президенты Рөстәм Миңнеханов, ТР Дәүләт Киңәшчесе,Татарстан Республикасы тарихи һәм мәдәни истәлекләрен торгызу Республика фондының Попечительләр советы рәисе,ТР Премьер-министрының беренче урынбасары Равил Моратов, ТР муниципаль берәмлекләр Советы Рәисе Минсәгыйть Шакиров hәм башкалар катнашты.
Быелгы бәйрәм көнендә Болгар елга порты вокзалы болгар цивилизациясе Музее белән берлектә ачылды.Бу бинаның архитектура килеш-килбәтендә болгар мәдәни традицияләре күренешләре гәүдәләнгән. Вокзалның өч биек манарасы болгар шәhәрләреннән: Болгар, Сувар hәм Биләрне гәүдәләндерә. Соңгы ике манарасында күргәзмә павильоннар эшләячәк. Аларда Болгар удельный кенәзлекләренең тарихи материаллары куелачак.