Мәгънәле аралашу

Татарстанга танышу визиты белән Новосибирск өлкәсе муниципаль берәмлекләр башлыклары делегациясе килде. Делегацияне регионның муниципаль берәмлекләр Советы Президиумы Рәисе урынбасары Александр Гофман җитәкли. Бүген ТР муниципаль берәмлеклеклә Советы Рәисе Мисәгыйть Шакиров Новосибирск өлкәсеннән килгән коллегалар белән очрашып, аларны дустанә сәламләде hәм кыскача Татарстан Советының эшчәнлеге белән таныштырды.
“Бездә Советның югары органы съезд исәпләнә, ул елга бер тапкыр җыела.Съездда чыгыш ясаучылар күтәргән мәсьәләләрне гомумиләштереп, ТРдагы башкарма хакимят hәм җирле үзидарә органнарының берләштерелгән Планы төзелә”,- дип аңлатты Минсәгыйть Шакиров. Әлеге План муниципалитетлар эшчәнлегенең төрле юнәлешләрен hәм сфераларын колачлый. Эшләрне башкарып чыгу оператив hәм озакка сузылган эшчәнлекне күздә тота. Быел документ беренче тапкыр Татарстан Президенты Рөстәм Миңнеханов тарафыннан расланды.
Съездлар арасында Советның эшен президиум идарә итә. Ә ул съездда муниципаль берәмлекләр башлыкларыннан 11 кеше исәбендә сайлана. Президиум утырышлары кварталга бер тапкыр уздырыла. 2006 елда безнең Совет төзелгәннән бирле 30 дан артык утырыш уздырылды.
Бүгенге көндә республикада 974 муниципаль исәпләнә.Шуларның 2се—шәhәр округлары, 43е—муниципаль районнар, 38е—шәhәр җирлекләре, 891—авыл җирлеге.
Муниципаль берәмлекләр Советы Рәисе фикеренчә, муниципаль реформалар hәм республиканың уңышлары чын мәгънәсендә муниципаль берәмлекләрне җитәкләгән кешеләрдән тора.
“Безнең өчен иң мөhиме—hөнәри кадрлар.Аларны бер көндә генә әзерләп,җыеп булмый. Моны озак еллар эшләргә кирәк”,- дип ассызыклады Минсәгыйть Шакиров. Бүгенге көндә Татарстанда муниципаль берәмлекләр башлыклары урынын 932 кеше биләп тора. Алардан 2се – шәhәр округлары башлыклары, муниципаль районнарны –43 кеше җитәкли, шәhәр җирлекләрендә—9 башлык, авыл җирлекләрендә—878 кеше. Аларның 68 проценттан артыграгы югары, 29 проценты махсус урта белемле, 3 проценты урта белемле.
Территорияләрнең тотрыклы үсеше hәм үзидарәнең нәтиҗәлелеге муниципаль берәмлекләрдә яшәүчеләрнең үз җирлекләрен идарә итүдә актив катнашуларыннан да торганлыгын М.Шакиров аерым басым ясап әйтте.
Новосибирск делегациясе беренче чиратта республикада җирле үзидарәнең вәкиллекле органнарын формалаштыру тәртибе, муниципалитетларның бюджетлары, муниципаль берәмлекләр башлыкларының вәкаләтләре hәм җаваплыклары хакында да кызыксындылар.
Кунаклар бездә 30 майга хәтле булып, ”Казан”Агропромпаркы, Лаеш муниципаль районы , ТР Президентының территорияләр белән эшләү Идарәсе, аерым министрлыклар эшчәнлеге белән дә танышачаклар.