Сайлаулар якынлаша

Кичә, 9 июльдә, республика сайлау комиссияләре җирле үзидарәнең вәкиллекле органнарына муниципаль сайлауларга кандидатларны теркәү өчен документлар кабул итә башладылар. ТР Үзәк сайлау комиссиясе хәбәр иткәнчә, бу эш 29 июльгә хәтле дәвам итәчәк.
Өстәмә hәм төп сайлаулар 33 муниципаль берәмлектә тавыш бирүнең бердәм көнендә—2013 елның 8 сентябрендә үтәчәк.
Барлыгы 137 сайлау кампаниясы билгеләнгән,шул исәптән 13 сайлау кампаниясе Биектау,Мамадыш,Спас,Тәтеш муниципаль районнарында яңа хасыйл ителгән муниципаль берәмлекләрендә узачак.
Сайлаучылар вәкиллекле органнардан теге, яисә бу сәбәп белән киткән депутатлар урынына 140 депутат сайларга,яңа оештырылган муниципаль берәмлекләргә 126 депутат сайларга тиешләр. Сайлауларны оештыручы сайлау комиссияләре хокуклары тиешле районнардагы территориаль сайлау комиссияләренә тапшырыла.Муниципаль сайлауларны әзерләү hәм үткәрү 38 территориаль hәм 174 участок сайлау комиссияләренә йөкләнә.