Бергә булырбыз!

2013 елның икенче яртысы өчен “Татарстанда җирле үзидарә” журналына язылу тәмамланды (журнал татар hәм рус телләрендә чыга,ул асылда мәгълүмат-анализ басмасы).
Ике тапкыр уздырылган язылу кампанияләреннән соң, без әбүнәчеләребезгә, җирлекләрдә безне үз, якын иткән барчагызга чын күңелдән рәхмәт әйтәбез.Чөнки без тиз арада, кем әйтмешли, кеше арасына керә алдык, әбүнәчеләребез күзгә күренеп артты. Бу елның икенче яртысына журналга язылу барган чорда Казанда, Азнакайда, Баулыда, Зәйдә, Чирмешәндә, Түбән Камада hәм башка байтак урыннарда безгә зур теләктәшлек күрсәттеләр.
Әгәр күңелегездә безнең басмага карата фикерләрегез туса, журнал битләренә рәхим итегез. Басманың колачын киңәйтү өчен бергәләп эшләрбез.
“Татарстанда җирле үзидарә” журналы - ул барлык җирлекләр, барлык авыллар, шәhәрләр өчен чыга торган басма. Муниципалитетлар тормышы биредә киң яктыртылыр. Журнал битләрендә сезнең уй-фикерләрегез дә киң урын табар, республикадагы уңай тәҗрибәне без бергәләп бөртекләп җыярбыз,үстерербез.Исәнлек-иминлек сезгә!