Марат Әхмәтов: ”Акрын кыймылдасак, югалтулар күп булыр”

Республикада 80 мең тонна иген җыелды инде. Бүген хөкүмәт Йортындагы гадәттәге республика киңәшмәсендә,ә ул Татарстан Президенты Рөстәм Миңнеханов җитәкчелегендә барды, алда китерелгән мәгълүматлар искә алынды. Киңәшмәдә ТР муниципаль берәмлекләр Советы Рәисе Минсәгыйть Шакиров та катнашты.
ТР вице-премьеры - авыл хуҗалыгы hәм азык-төлек министры Марат Әхмәтов хәбәр иткәнчә, урып-җыю Буа районында аеруча оешкан төстә бара. Уңыш чыгышы ягыннан Азнакай районы игенчеләре алда бара, алар бер гектардан 30-ар центнерга якын ашлык суктыралар. Министр әйткәнчә, комбайннар паркын бөтенләе белән эшкә кушсак кына,урып-җыюны уңышлы башкарып чыгарбыз. ”Акрын кыймылдасак, аз игенне дә югалтуга дучар итәрбез,” — дип белдерде Марат Әхмәтов. Игеннәрне урып-җыю турындагы мәгълүмат белән биредә танышырга була.