Яшьләрнең икътисади активлыгы өчен

Татарстан Премьер-министры Ильдар Халиков “Татарстан Республикасы авыл яшьләре 2011-2015 елларда” дигән
Программага үзгәрешләр кертү турында карарга кул куйды.
ТР авыл яшьләре берләшмәсе рәсми порталы хәбәр иткәнчә,  сүз  ”Авыл яшьләренең икътисади активлыгы” дигән программа пунктына кагылган үзгәрешләр турында  бара. Шушы программа бүлегендә өстәмә 3.4 пункты булдырылды.
Авыл яшьләренең hөнәри белемнәре хакында өстәмә пунктлар өстәлде:
---авыл яшьләренә hөнәри hәм махсус башлангыч hәм урта hөнәри белем бирүне тәэмин итәргә.Андый белемле кешеләргә Татарстан Республикасы авыл хуҗалыгы районнары мохтаҗ.
Аларны алга таба агросәнәгать предприятиеләренә эшкә урнаштыруны да максат итеп куярга;
---авыл хуҗалыгы җитештерүе өлкәсенә караган hөнәрләрне үзләштерү уңаеннан авыл мәктәпләрендә укчыларны hөнәри яктан юнәлтеп тору эшен үткәрергә;
---авыл хуҗалыгы юнәлешендә эшләүче учреждениеләрдә фермер мәктәпләре булдыруны,шул исәптән дистанцияле уку программасын эшкәртүне дә файдаланырга;
---югары,урта белемле hөнәри авыл белгечләрен әзерләүнең максатчан контраклы ысулын тормышка ашырырга;
---җитештерү өлкәсендә hәм эшкәртү тармагының республикадагы, регионнардагы, чит илләрдәге алдынгы предприятиеләр базасында студентларның стажировкаларын уздырырга,
авыл мәктәпләренең,урта,югары уку йортларының үзара мөнәсәбәтләрен активлаштырырга;
---авыл җирләрендә бизнесны оештыру буенча белем күтәрү курслары булдырып,белгечкә дәүләт таныклыгы бирүне кулланырга;
---агросәнәгать өлкәсендә эш бирүчеләрнең мохтаҗлыгын барлап,квалификацияле кадрларга дәүләт заказын формалаштырырга(шул исәптән авыл хуҗалыгының инновацияле юнәлешләрендә искә алып).
“Татарстан Республикасында “Авыл яшьләре 2011-2015 елларда” дигән озак сроклы максатчан программага үзгәрешләр кертү турында” 2013 ел,19.07.506 нчы карары тексты белән биредә танышырга була.