Белеме юан меңне егар

Бүген Арчада Татарстан Президенты Рөстәм Миңнеханов катнашында мәгариф hәм фән  хезмәткәрләренең август киңәшмәсе булып узды. Быел ул мәгариф практикасында заман технлогияләренә багышланган иде. Киңәшмәдә катнашучылар арасында ТР муниципаль берәмлекләр Советы Рәисе Минсәгыйть Шакиров та бар иде.
Киңәшмәнең пленар утырышында Рөстәм Миңнеханов чыгыш ясады.Теләсә кайсы авылның, шәhәрнең, илнең конкурентлык сәләте аның белем потенциалына бәйләнгән, диде ул.Безгә  нәкъ шушы юнәлештә эшебезне дәвам итәргә кирәк. Мәгариф тармагындагы бурычларны билгеләп,ул мәктәпкәчә яшьтәге балаларны тәрбияләүнең сыйфатын күтәрергә өндәде.Балалар өчен бөтен шартларны тудырып, аларның тәрбиясенә,белеменә тәэсир итәрлек шартлар тудырырга кирәклекне күрсәтте.Балачактан алынган гадәтләр, белемнәр киләчәктә ныклы белемле булырга,конкурентлык сәләтен үстерергә мөмкинлек бирәчәкләр.Мәгариф өлкәсендә тиешле квалификациядәге кешеләр эшләве дә бик әhәмиятле.Монда без урындагы укытучылар тәҗрибәсенә таянырга,яшь укытучыларның мәктәпкә килүләрен дә тәэмин итәргә кирәк.
Шул ук вакытта Президент югары уку йортларындагы эшкә дә игътибар бирде,мәктәпләрдә дәүләт телләрен өйрәнүне куәтләде.
Август киңәшмәсе ахырында Рөстәм Миңнеханов иң яхшы укытучыларны Россия Федерациясе hәм Татарсан  Республикасы бүләкләре белән бүләкләде.Киңәшмәгә кадәр Президент Арчадагы белем учакларында булды,педагогия колледжындагы эш шартлары белән танышты.