Беренчел медицина ярдәме төптән үзгәрә

Бүген Сәламәтлек саклау министрлыгында муниципаль берәмлекләр вәкилләре катнашында видеокоференция тәртибендә республика  киңәшмәсе үтәчәк. Киңәшмәдә 2013 елда Татарстанда  медицина-санитария ярдәмен яңарту-яхшырту мәсьләләрен караячаклар.
Мәгълүм булганча,урыннарда “Татарстан Республикасында 2012-2016 елларда беренчел медицина-санитария ярдәмен камилләштерү”нең максатчан программасын тормышка ашыруны дәвам итәләр.
Күптән түгел Баулы районының Поповка авылында капиталь ремонттан hәм реконструкциядән соң яңартылган медицина амбуллаториясе ачылды.Республика бюджетыннан шушы максатта 2 миллион сум акча тотылды.Баулы үзәк больницасы шушы амбулаторияне җиhазлау өчен 250 мең сум акча тотып,медицина кирәк-яраклары hәм мебель алды.Поповка амбулаториясе элек тә медицина ярдәмен тулы күләмдә күрсәтә иде.Яңа ремонлап чыккан кабинетларда,көндезге стационар дәва палаталарында авыруларны кабул итү  hәм дәвалау өчен яхшы шартлар тудырылган.Поповка врач амбулаториясе 4,2 мең кеше яшәгән12 авылга хезмәт күрсәтә.
Кичә,мәсәлән,Мамадыш муниципаль районының Баскан авылында күпфункцияле мәдәни үзәк файдалануга тапшырылды.Аның составында фельдшер-акушерлык пункты да бар.Ул тиешле медицина җиhазы белән тәэмин ителгән.Бүлмәләр җылы,якты,кыскасы,шартлар кешечә,җиткелекле.Баскан фельшерлык пункты 258кеше яшәгән бер авылга хезмәт күрсәтә.Моңарчы фельшерлык пункты 1972 елда корылган бинада иза чикте.Шөкер,бу хәл артта калды.