Съезд чакыра!

Муниципаль берәмлекләрнең Мәскәүдә үтәчәк Бөтенроссия съездына бер айдан азрак вакыт калып бара. Шул съездны үткәрү тематикасы, муниципаль реформалар,куерган проблемаларны чишү юллары "Муниципаль Россия" журналының сентябрь номерында өстенлекле урын алган. Бу проблемаларның беренчеләре булып җирле бюджетның чыпчык борыны гына чаклы булуы алга чыга. Ә федераллар исә муниципаль кадрларны әзерләүнең искиткеч йомшак булуыннан риза түгел. Муниципалларга эшләү өчен акча җитми, ә федералларга hәм регионнарга эш йөртү өчен кадрлар юк.

Бөтенроссия съезды алдыннан Бөтенроссия муниципаль берәмлекләр Конгрессы регионнардагы муниципаль берәмлекләр Советларыннан кергән мәгълүматларны hәм тәкъдимнәрне анализладылар. Ул материаллар белән “Съездны каршылап” дигән рубрикада танышырга була.

Журналда Татарстан Республикасының муниципалларга икенче югары белем алу мөмкинлеге турында соравына Россия Регионнар министрлыгының рәсми җавабы урнаштырылган. Урыннардан хәбәрләр “Хроника”рубрикасында урын алган

Россия Федерациясе региональ сәясәт министры Игорь Слюняевның Федерация Советының федератив корылыш,регональ сәясәт,җирле үзидарә hәм Төньяк эшләре Комитетының киңәйтелгән утырышында Россия торак-коммуналь хуҗалыгы торышы hәм бу тармакның 2013-2015 еллардаүсеш планнары турында чыгышы шулай ук укучыларда кызыксыну тудырыр.

Бу тема янәшәсендә үк җәмәгать-хосусый партнерлык темасы да тора—ул торак-коммуналь хуҗалыкка инвестицияләр тартуның максатчан формасы буларак игътибарга лаек.Җәмәгать-хосусый партнерлык муниципаль дәрәҗәдә нәтиҗәле эшләсен өчен аңлаешлы норматив идарә итү чараларысыз мөмкин түгел.Шуңа күрә федераль законнар белән шөгыльләнүчеләр тиешле законнар өстендә эшлиләр.Җәмәгать-хосусый партнерлыкның муниципаль дәрәҗәдә үсү перспективалары Дәүләт Думасы тыңлауларына куеды.Ул тыңлаулардан репортаж “Дәүләт hәм җирле үзидарә” дигән рубрикада басылган.

Чит илләрдә бездәге территориаль-иҗтимагый үзидарә оешмалары төсендәге гражданлык оешмаларының үсеш тәҗрибәсе хакында журнал битләрендә Цукуба (Япония) университеты белгечләре сөйли.