Җирне кеше хезмәте бизи

Бүген Казанда Татарстан Президенты Рөстәм Миңнеханов авыл хуҗалыгы hәм эшкәртү сәнәгате хезмәткәрләре Көне уңаеннан тантаналы кабул итү үткәрде.Бәйрәмгә авылның hәм авыл хуҗалыгы продукциясе эшкәртү предприятиеләренең иң яхшы хезмәтчәннәре чакырылган иде.

Тантанада Татарстан Дәүләт Киңәшчесе Минтимер Шәймиев,Дәүләт Советы Рәисе Фәрит Мөхәммәтшин,ТР Премьер-министры Илдар Халиков,ТР муниципаль берәмлекләр Советы Рәисе Минсәгыйть Шакиров,агросәнәгать бизнесы, министрлыклар,ведомстволар вәкилләре катнашты.

Рөстәм Миңнеханов авыл хуҗалыгы эшчәннәрен hөнәри бәйрәм белән котлады hәм фидакарь хезмәтләре өчен рәхмәт белдерде.

"Без ышанып торабыз,табигать шартларының без теләгәнчә генә булмаганын истә тотып,без үзебездәге барлык ресурсларны эшкә җигәрбез hәм бу безгә агрокомплексны,республикабызның барлык төр авыл хуҗалыгы тармакларын тулаем алга җибәрергә мөмкинлек тудырыр”, - диде Президент hәм иң алдынгы хезмәтчәннәргә дәүләт бүләкләре тапшырды.

Искә төшерик,катлаулы шартларда авыл хезмәте алдынгылары быел 2,8 миллион тонна ашлык җыйдылар.Тагын 2 миллион тонна шикәр чөгендере җыю планлаштырыла.1миллион тонна бәрәңге hәм 300 мең тонна яшелчә җыю күздә тотыла.