Тәҗрибә артыннан—Швеция иленә

12 октябрьдән 19 октябргә кадәр Татарстан делегациясе ТР муниципаль берәмлекләр Советы Рәисе Минсәгыйть Шакиров җитәкчелегендә эшлекле визит белән Швецидә булачак. Бу илгә баруның төп максаты: ”Швециядә муниципаль берәмлекләр эшчәнлеген оештыру тәҗрибәсе. Дәүләт хакимияте hәм җирле үзидарә органнарының үзара мөнәсәбәтләрне корулары”темасындагы семинарда катнашып,тәҗрибә туплап кайту.

Делегация составында:ТР Президентының территорияләр белән эшләү идарәсе башлыгы урынбасары Олег Сквордяков,ТР муниципаль берәмлекләр Советының башкаручы сәркатибы Александр Барышев,ТР төзелеш,архиткетура hәм торак-коммуналь хуҗалыгы министрлыгының эш башкару идарәсе башлыгы Тимур Ажимов hәм республиканың муниципаль берәмлекләр башлыкларыннан бер төркем кеше.

Исегезгә төшереп үтәбез,Швеция җирле үзидарә буенча зур тәҗрибә туплаган ил. Урта гасырлардан башлап бу илдә җирле үзидарәнеең тулы бер системасы оешып эшләп килгән.

Хәзерге вакытта административ-территориаль  бүленештә өч баскычлы тәртип урнашкан:дәүләт дәрәҗәсендә,региональ hәм җирле бүленеш(24 лена,23 ланстинг,288 коммуна).

Гомуми дәүләт дәрәҗәсендә җирле үзидарә белән Риксдаг,Министрлар Кабинеты,министрлыклар hәм махсуслаштырылган дәүләт агентлыклары идарә итәләр.

Региональ дәрәҗәдә параллель рәвештә Административ Советны (ленада дәүләт вәкиле) җитәкләүче губернатор(бер яктан) hәм Башкарма  комитетны хаcыйл итүче Региональ җыен(икенче яктан),шулай ук администрация hәм дәүләт службалары.

Беренчел дәрәҗәдә Муниципаль җыенга параллель дәрәҗәдә башкарма хакимиятнең җирле органнары да үз функцияләрен үтиләр.