Көн үзәгендә Европадагы кризис

Бүген Страсбургта Европаның җирле hәм региональ хакимияте Когрессының 25 сессиясе ачылды. Быел ул Европадагы кризиска багышланган һәм 2013 елның 31 октябренә кадәр барачак. Татарстаннан сессиядә ТР Дәүләт Советы Рәисе Фәрит Мөхәммәтшин катнаша.

Өч көн дәвамында узачак сессиядә җирле hәм региональ дәрәҗәдә икътисади кризис мәсьәләләре куелган. Әйтик,мигрантларның үз-үзләрен эш белән тәэмин итү,хакимиятләр белән үзара  хезмәттәшлек—сессиядә шундый сораулар да тикшерелә.

Иң үзәктә:Конгрессның көзге сессиясендә—җирле hәм региональ хакимиятнең икътисади кризиска мөнәсәбәтләре.

Сессия барышында Европаның җирле үзидрә Хартиясенә багышланган тантана да булачак.

Бу Хартия бүгенге көндә Европа Советындагы барлык  47 илне дә үз эченә ала.

Әлеге халыкара килешү Конгресс эшчәнлегенең нигезен тәшкил итә,Европада җирле демократиянең торышына мониторинг ясарга мөмкинчелек бирә.

Көн тәртибенә мониторинглау  буенча берничә доклад куелган:Албания,Венгрия,Дания,Ирландия,Украина илләрендәге хәл тыңланачак.Шул ук вакытта Ереван шәhәре җыелышына(Авагани) сайлаулар,элекке Югославия республикасы Македонииядә җирле сайлауларның үтүе хакында сүз булачак.

Конгресс әгъзалары хәтта “Җирле hәм региональ дәрәҗәдә сәяси экстремизм белән көрәшү турында”,”Европада регионнар hәм территорияләр” темасына да кагылачаклар.

Сессия барышында Конгресс муниципалитетлар өчен Когрессның “Доста!” дип аталган дүртенче премиясен тапшырырга ниятли.Чегәннәргә каршы(цыганофобия) көрәшүне гаепләп чыккан муниципалитетларга шундый бүләк каралган.Чегәннәрне сәяси,иҗтимагый тормышка тарту юлларын табуга ярдәм итүне күздә тоткан чаралар турында сүз бара.