Идәрә итүнең мөhим өлеше

Халыкның белемле булуы аның конкуренциягә сәләтен билгели,шуңа күрә бигрәк тә идарә итү командасы район алдында торган бурычларны чишәрлек хәлдә булырга тиеш. Бу фикерне Рөстәм Миңнеханов “Татарстан Республикасы муниципаль районнар башлыкларының идарәи компетенцияләрен hәм  hөнәри күнекмәләрен үстерү” мәгариф програмасы буенча дәресләрнең икенче өлешен башлаганда аудиториягә җиткерде.Дәресләрне башлап җибәрүдә ТР муниципаль берәмлекләр Советы Рәисе Минсәгыйть Шакиров та катнашты.

Мәгълүм булганча,белем күтәрү курслары Югары Ослан  районында “Казан” тау чангысы спорт комплексында эшли.

Укуларны ТР Президенты  Аппараты hәм Идел буе(Казан) федераль университетының дәүләт hәм муниципаль Югары мәктәбе оештырганнар.Программаның беренче модуле”Нәтиҗәле лидер буларак     муниципаль район башлыгының hөнәри hәм шәхси сыйфатлары” темасына укулар 23 еннән 26 октябрьгә кадәр барды.

Икенче төркемдәге башлыкларның укулары дүрт көн дәвам итәчәк.Биредә интеллектуаль уеннар,псхология, муниципаль идарә итүдә нәтиҗәле лидерлык,сөйләү сәнгате hәм коммуникация техникасы,имидж кору,матбага,җәмгыять  белән үзара мөнәсәбәтләр буенча берничә тренинг дәресләре каралган.

Икенче төркемдә укучыларны сәламләп,мондый мәгариф программаларын тормышка ашыруның әhәмиятен Рөстәм Миңнеханов басым ясап әйтте.

“Сез—идарәчеләрнең мөhим өлеше,--диде Татарстант Президенты.—Сез хакимият белән халык арасында торучы кешеләр.Килеп туа торган ризасызлыклар,нәрсәдер белән килешмәү,халыкта булган фикер дулкыны сезнең аша чагыла”.

Шуңа күрә муниципаль берәмлекләр башлыкларына үз hөнәри күнекмәләрен даими үстерү өстендә эшләргә кирәк.Республика җитәкчелеге сезгә  бу юнәлештә ярдәм итәргә әзер тора,дип йомгаклады республика башлыгы.

Бу турыда ТР Президенты матбугат хезмәте хәбәр итә.