Кече дигәннең зурлыгы

Кичә, 29 октябрьдә, Теләчедә Татарстан территориясендә кече hәм урта эшмәкәрлекне яклау hәм үстерү өлкәсендә дәүләт эшчәнлегенә  багышланган “түгәрәк өстәл” уздырылды.Ул очрашуны министрлыклар,ведомстволар,җәмәгать оешмалары (эшкуарланы да кертеп) катнашында Дәүләт Советының икътисад,инвестицияләр hәм кәсәбәчелек Комитеты оештырды.

Киңәшмәгә хәтле “Теләче”индустриаль-сәнәгать паркына куелган кече бизнес үрнәкләре белән танышу булды.

“Теләчеләр муниципаль хакимият белән җирле бизнесның үзара эшлекле аралашуларын оештыруда үрнәк күрсәтәләр.Кәсәбәчелек белән шөгыльләнүче кешеләргә муниципаль дәрәҗәдә ярдәм күрсәтү ул кече hәм урта бизнесны дәүләт яклавы белән бер дәрәҗәдә әhәмиятле,”диде коференция ачылганда Дәүләт Советының икътисад,инвестицияләр hәм кәсәбәчелек Комитеты Рәисе Марат Галеев.

Кече hәм урта бизнесның республиканың муниципаль районнарында үсеше турында ТРның икътисад министры урынбасары—кәсәбәчелекне яклау Департаменты җитәкчесе Рөстәм Сибгатуллин.

“Түгәрәк өстәлдә” тикшерелән мәсьәләләрнең нәтиҗәләре ТР хөкүмәтенә,ТР икътисад министрлыгына hәм республиканың муниципаль берәмлекләренә кече hәм урта кәсәбәчелекне үстерү буенча тәкъдимнәр булып иреште,дип хәбәр итә Дәүләт Советының җәмәгатьчелек hәм массакүләм мәгълүмат чаралары белән үзара эшчәнлек бүлеге.