Эфирга рәхим итегез!

Иртәгә,29 ноябрьдә, “Татарстан—Яңа гасыр” телеканалында “Туры элемтә” программасында республиканың муниципаль җәмәгатьчелеге үсеше мәсьәләләренә багышланган чираттагы тапшыру булачак. Бу юлы эфирда—2013 елның 8 ноябрендә Суздальда үткән Бөтенроссия съезды йомгаклары яктыртылачак.

Студия кунаклары—форумның Татарстан делегатлары: ТР муниципаль берәмлекләр Советы Рәисе Минсәгыйть Шакиров,Бөтенроссия җирле үзидарәсе региональ Советының Татарстан бүлеге Рәисе Василий Логинов, Алексеевск муниципаль районы башлыгы Владимир Козонков, Яңа Чишмә районы, Петропавловск авыл җирлеге башлыгы Светлана Дворецкая.

Тапшыру 17 сәгать 30 минутта башлана. Шалтыратыгыз,республикада җирле үзидарә үсешенә карата фикерләрегезне әйтегез. Моның өчен телефон:(843) 570-50-75. ps @tnvtv.ru электрон адресы буенча да хәбәрләр көтәбез.