Чыршылар ярыша

Татарстан мунициплитетларының Яңа ел чыршысын бизәү буенча конкурс игълан ителде.Бу конкурсны үткәрүне ТР иҗтимагый палатасы  hәм ТР муниципаль берәмлекләр Советы үз өстенә алды.

Яңа конкурсның мәгънәсе шунда ки,ул шәhәрләрдә hәм  районнарда,хезмәт коллективларында,коммерция оешмаларында Яңа елны каршылау буенча халыкның инициативасын  күтәреп җибәреп,бәйрәм атмосферасы тудырырга бурычлы. Бу турыда пресс-конференциядә ТР иҗтимагый палатасы Рәисе Анатолий Фомин hәм ТР муниципаль берәмлекләр Советының Башкаручы сәркатибе Александр Барышев сөйләде.

Конкурс 2014 елның 8 февраленә хәтле дәвам итәчәк.Конкурс уңаеннан махсус комиссия төзелеп,аның шартлары билгеләнгән.15 гыйнварга хәтле конкурста катнашучылар ТР иҗтиагый палатасына мәгълүмати справка бирергә тиешләр.Жюри рәвешендә мәдәни хезмәткәрләр,мәдәни массовиклар катнашырга тиеш.Экспертлар беренче чиратта чыршыларның утлар белән бизәлешен,чыршылар янындагы мәйданның төсен-битен,кардан ясалган фигуралар байлыгын,бизәлешнең яңалыгын,хәтта инновация үрнәкләрен карарга тиешләр.

Конкурс йомгакларын ясаганда җәмәгатчелек фикеренә дә колак салырга тиешләр.Ә бу фикерләр республика муниципаль берәмлекләр Порталында урын алачак.

Конкурсның бүләкләү фонды шактый саллы:өч номинациядә 5 миллион 250 мең сум акча тотылачак.Беренче урынга—1 миллион сум каралган,икенче урынга—ике 500-әр мең сум билгеләнгән,ә 3 урынга—250 мең сум бүләк!

"Мондый конкурс муниципалитетларда үтә торган  конкурсларга өстәмә бер өлеш булачак. Чөнки hәр урында чыршыларны үзнчәлекле бизәү өчен көч куячаклар. Матбугат чараларында әйтелгән фикерләрне туплап,интерактив сорауларны да файдаланып,без бүләкләргә лаеклыларны билгели алырбыз", - дип ассызыклады Александр Барышев.