Эшлекле диалог

Татарстан җирле идарә мәсьәләләрендә Россия регионнары белән,якын hәм ерак чит илләр белән теләсә нинди мәгънәле диалогка әзер.Нәкъ менә муниципаль берәмлекләрнең үсеше темасы hәрчак кызыклы,актуаль. Җирле үзидарәнең иң яңа тәҗрибәсен урында өйрәнү ниятенә безгә Төркия делегациясе килеп төште.Аны төрки дөнья мунципалитетлары Союзы генераль секретаре Мостафа Башкорт җитәкли.

28 гыйнварда Кремльдә (беренче ишек,208 кабинет) 10 сәг.30 минутта Төркия делегациясе катнашында “түгәрәк өстәл” уздырыла.Очрашуның темасы:”Җирле үзидарә проблемаларын чишү тәҗрибәсе белән уртаклашу”.

Татарстан Республикасы ягы вәкиллеген утырышта республика муниципаль берәмлекләр Советы Рәисе Минсәгыйть Шакиров,ТР муниципаль  берәмлекләр Советы Президиумы әгъзалары,ТР Президены Аппаратының,ТР Министрлар Кабинетының җаваплы хезмәткәрләре тәшкил итәчәк.

Төркия кунаклары бездә чагында Казандагы Төркия республикасы консуллыгында,ТР Дәүләт Советында,республиканың берничә министрлыгында hәм Казан мэриясендә булачаклар.

Төрки дөнья муниципалитетлары Союзы 2003 елның 12 ноябрендә үзенең эшчәнлеген башлап җибәрә.Бу Союз,коммерциядән тыш оешма буларак,үзенең эшчәнлегендә тәҗрибә алышып, үзара ярдәмләшеп.икътисади hәм технология өлкәләрендә,эшлекле хезмәттәшлектә,кешеләрне катлаулы техникада эшләргә өйрәтүдә эш алып бара. Шушы проблемалар янында тарихи hәм мәдәни мирасны саклаауны да яклап чыга,шәhәрләрне идарә итү проблемалары белән кызыксына.

Оешма 16 илдәге 1001 муниципалитетны әгъза итеп туплаган.Алар арасында Әзербайҗан, Босния hәм Герцеговина, Ирак,Казахстан,Кыргызстан,Косово,Төньяк Кипр,Венгрия,Македония,Монголия,Молдова,Пакистан,Россия (Татарстан, Дагстан, Башкотостан),Ливан,Төркия hәм Палестина.