Җир бәясен югалта

Татарстандагы 30 муницпалитетның урында җир бәяләрен киметү бәрабәренә җирле бюджетларга налог hәм налогтан тыш керемнәр 900 миллион сумга кимергә мөмкин дип көтелә. Модый мәгълүмат кичә ТР җир hәм мөлкәт мөнәсәбәтләре министры Азат Хәмаевның министрлык коллегиясендә ясаган докладында яңгырады.Ул коллегия 2013 ел нәтиҗиҗәләре hәм 2014 ел бурычларына багышланган иде.

Коллегия эшендә Татарстан Премьер-министры Илдар Халиков катнашты.

Азат Хәмаев фикеренчә,җирнең кадастр бәясен базар мөнәсәбәтләрендә катнашучыларның күрәләтә киметүләре аерым бер күрнешкә әверелде. Бу гайре табигый эшкә җирне бәяләүчеләр дә,суд экспертлары да табыла. Министр җирне бәяләү методологиясенең каил булмавын,эштә катнашкан бәяләүчеләрнең профессиональ яктан җитлекмәгән булуларын билгеләп узды.

“Без бу бик әhәмиятле мәсьәләне әлегә чишә алмадык.Әйдәгез төптәнрәк карыйк,уйлыйк,федераль законнарны үзгәртүне үзебезнең инициатива аша да чишик.Без җирнең базар бәяләрен киметүгә,җир налогларын төшерергә илтә торган процессларга битараф була алмыйбыз”, дип искәртте Илдар Халиков.