Республика муницпалларына өстәмә мәшәкатьләр

Шушы араларда ТР Дәүләт Советының бюджет,салым hәм финанслау коитеты ТР Дәүләт Советы президиумына парламент көн тәртибенә “Муниципаль районнар hәм шәhәр округлары органнарына Бөтенроссия авыл хуҗалыгында сан алуга әзерлек уңаеннан дәүләт вәкаләтләре бирү турында” закон проектын карарга тәкъдим кертте.

Закон проекты буенча районнарның җирле үзидарә органнары hәм шәhәр округлары сан алу уңаеннан федераль башкарма хакимиятенә мәгълүмат туплау ниятендә республика дәүләт вәкаләтләренә ия булачаклар.Шушы максатларны үтәү өчен сан алу объектлары турында мәгълүматларны җыярлык hәм сакларлык биналар белән тәэмин итү,бу эшкә гражданнарны тарту мөмкинлеге тудыру да күздә тотыла.

Билгеләнгән вәкаләтләрнең эчтәлегенә туры китереп, җирле бюджетларга дәүләт вәкаләтләрен башкаруга субвенцияләр исәпләү методикасы да раслана.

ТР бюджетына вәкаләтләрне башкару өчен акча федераль бюджеттан биреләчәк.

Комитет тарафыннан бүген каралган закон проекты Дәүләт Советының якындагы сессиясендә беренче укуда каралачак, дип хәбәр итә “Татар-информ” агентлыгы.