Ышанычны югалттылар

Республиканың агросәнәгать комплексының 2013 ел үсеше йомгаклары  hәм 2014 елда авыл хуҗалыгында нәтиҗәлелекне күтәрү өстендә эшләү турында ТР авыл хҗалыгы hәм азык төлек министрлыгының бүген Казанда узган коллегиясендә сүз барды.

Коллегия утырышында Татарстан Президенты Рөстәм Миңнеханов,ТР Дәүләт Советы Рәисе Фәрит Мөхәммәтшин,ТР Премьер-министрының беренче  урынбасары Алексей Песошин,ТР муниципаль берәмлекләр Советы Рәисе Минсәгыйть Шакиров  hәм башкалар катнаштылар.

ТР Премьер-министр урынбасары--авыл хуҗалыгы hәм азык-төлек министры Марат Әхмәтов докладында әйтелгәнчә, бүген республикада авыл хуҗалыгында эшләүче 500 хуҗалык бар.Шуларның hәр алтынчысы икътисади яктан зыянга эшли. Бөлгән хуҗалыклар Әлмәт,Чүпрәле,Чирмешән,Кукмара,Мамадыш районнарында аерата күп.”Андый хуҗалыкларның җитәкчеләрен без турыдан-туры эштән алырга тиеш. Бу эшне без муниципаль районнар башлыклары белән бергәләп башкарырга тиеш. Әгәр дә мәгәр ул хуҗалыклардан берәрсендә кем дә булса үзен хосусый хуҗалык башлыгы дип саный икән,аның ул мөлкәтне ничек, кемнән алганын тикшереп карарга кирәк. Бу эштә район башлыкларына тиешле ихтыяр күрсәтергә туры киләчәк.Инвесторларга да үз агрофирмалары хуҗалары белән тишле әңгәмәләр корырга кирәк”, - дип искәртте Марат Әхмәтов.

Зыянга эшли торган авыл хуҗалыгы предприятиеләреннән котылу нияте ныклы. 2015 елдан алар бюджет ярдәменнән мәхрүм ителәчәкләр.