Эшлекле очрашулар

Бүген ТР Премьер-министры Илдар Халиков Балык Бистәсе районына барып чыкты. Аның белән бергә районга ТР муниципаль берәмлекләр Советы Рәисе Минсәгыйть Шакиров та килгән иде.

Кунакллар Түбән Тимерлек авылында урнашкан ит җитештерү акционерлык җәмгыятендә эш барышы белән таныштылар. ”Русский мрамор” дип аталган әлеге предприятие 2013 елда төзелә башлаган иде. Аның проект бәясе 40 миллион сум тора.Төзүчесе “Красный Восток-Агро” акционерлык җәмгыяте. Соңыннан Илдар Халиков һәм аны озатып йөрүчеләр Балык Бистәсе районының 2013 елгы эш йомгаклары,2014 елга бурычлар мәсьәләләрен тикшерүгә багышланган җирле Совет утырышында катнаштылар.