Йөкләмәләр алдылар

Бүген Хөкүмәт йортында ТР Министрлар Кабинеты hәм муниципаль районнар(шәhәр округлары) арасында 2014-2016 елларда җирле үзидарә органнары эшчәнлегенең нәтиҗәлелеген бәяләү уңаеннан Килешүләргә кул куелды.Бу документларны Татарстан Премьер-министры Илдар Халиков hәм муниципалитетлар башлыклары үз имзалары белән беркеттеләр.Әлеге чарада ТР муниципаль берәмлекләр Советы Рәисе Минсәгыйть Шакиров та катнашты.

2014-2016 еллардагы җирле үзидарә эшчәнлегенең индикаторларын,федераль күрсәткечләрне  hәм җирле үзидарә үсешенең төп юнәлешләрен эченә алган килешүләр турында сүз бара.

ТР Премьер-министры Илдар Халиков әйтүенчә,күрсәткечләрне йомгаклау hәр квартал саен алып барылачак.

2013 елда муниципалитетларның максатчан күрсәткечләрне үтәүләре 75,7 процент тәшкил итте.Әлеге күрсәткеч 2012 елдагыдан 9,3 процентка югарырак.