Нәтиҗәле үрнәк

Республика муниципалларының ТР муниципаль берәмлекләр  Советы Рәисе Минсәгыйть Шакиров җитәкчелгендәге делегациясе эшлекле визит белән Волгоград өлкәсенә килеп төште. Бу өлкәдә җирле үзидарәнең үзенчәлекле бер өлгесе  бар-биредә территориаль иҗтимагый советлар (ТИСлар) әйбәт эш үрнәкләре күрсәтәләр. Без бу хакта хәбәрләр дә биргән идек инде. Бу юлы безнең җирле үзидарә вәкилләре эш белән урында танышырга ниятләделәр.

Республика делегациясе җирле хөкүмәтнең тиешле министрлыкларында булды. Бүген татарстанлылар өлкә шәhәр hәм авылларында үзләрен уңай таныткан ТИС лар җәмәгатьчелеге белән очрашачак.

Волгоград өлкәсендә ТИС лардан 1200-е юридик хокукка ия.Шул нигездә аларга дәүләт ярдәме дә күрсәтелә.Территориаль иҗтимагый үзидарә органнарына ярдәм күләме ел саен арта бара.Өлкә губернаторы Сергей Баженовның җиңел кулыннан 2013 елда,махсус конкурс нигезендә,340 миллион сум акча шушы үзидарә советларына бүленгән.

2014 елдан алып Волгоград өлкәсендә иҗтимагый үзидарәне үстерүнең дәүләт программасы үз көченә кергән.Шул программа нигезендә 2018 елга хәтле 1,7 миллиард сум күләмендә ярдәм алачаклар.

Хәзер Россия Федерациясенең күп регионнарында волгоградлылар үрнәген үзләренә өлге итеп алып, урыннарда тиешле документаль кулланмалар да булдырганнар.