Эшмәкәрләр өчен юл картасы

Бүгенгесе көндә Татарстандагы муниципаль берәмлекләрнең 67 процентында кече hәм урта бизнес өлеше республикадагы уртача үсеш күләменнән түбәнрәк. Бүген ТР Министрлар Кабинеты  каршындагы Икътисади совет утырышында әлеге борчулы мәгълүмат яңгырады.

Хөкүмәт йортында барлык муниципаль районнар белән видеоконференция  режимында узган бу чараны Татарстан Президенты Рөстәм Миңнеханов ачып җибәрде.Утырышта ТР Премьер-министры Илдар Халиков та катнашты.

Утырыш барышында Рөстәм Миңнеханов 2010 елдан региональ тулай продукт (ВРП) күләмендә кәсәбәчелек өлеше әкрен үсә,ул 25 проценттан аз гына артыграк дип искәртте.

“2015 елда без региональ тулай продуктта кече бизнес өлешен 34 процентка җиткерергә тиешбез.Әмма хәзерге динамикада без моны эшли алмыйбыз”,дип нәтиҗә ясады республика башлыгы.

Республиканың барлык шәhәрләрендә  hәм районнарында да икътисад үсешендә кәсәбәчелек күтәрелүенә җитди әhәмият бирмиләр.Аның фикеренчә,кече hәм урта бизнесны үстерүнең юл картасы уңаеннан исәп-хисап кына булырга тиеш түгел,ул кәсәбәчелек тирәлеген формалаштырырга булышырга тиеш,яңа бизнес тудырышырга hәм яңа зш урыннары булдырырга да тиеш.

Кече hәм урта кәсәбәчелекнең үсеше hәм юл картасы проектын эшкәрткәндә кече hәм урта кәсәбәчелекнең 2014-2016 елларда үсеше алшартлары турында төп доклад белән ТР икътисад министры Мидхәт Шаhиәхмәтов чыкты.Министр хәбәр иткәнчә,муниципаль берәмлекләрдә сәнәгать мәйданчыклары булдыру уңаеннан проектларны сайлап алу үткәреләчәк.Перспективалы проектларга ярдәм итү күздә тотыла.

Болардан тыш,2018 елга төзелеш өчен рөхсәтне 56 көн эчендә (хәзер ул 223 көн), мөлкәтне теркәүне - 7 көндә(хәзер ул 33 көн),электр белән тәэмин итү системасын тоташтыру турында гариза - 40 көн эчендә карарга дип хәл итү күздә тотыла.