Йомгак ясалды

Бүген ТР муниципаль берәмлекләр Советында “Муниципаль  идарә өлкәсендә иң яхшы хезмәткәр”,”Татарстан Республикасы муниципаль берәмлекләрендә иң яхшы җәмәгать инициативасы»hәм “Җирле идарә темасын масса күләм мәгълүмат чараларында иң яхшы яктыртуда журналист конкурсы”дигән республика конкурсларының Оештыру комитеты утырышы үткәрелде.Утырышны ТР муниципаль берәмлекләр Советы Рәисе Минсәгыйть Шакиров алып барды.

Исегезгә төшерәбез,әлеге конкурслар республика җирле үзидарә органнарының эш сыйфатын күтәрүне иң мөhим максат итеп куя.

Традиция   буенча ул конкурсларда Татарстанның барлык муниципаль берәмлекләре hәм шәhәр округлары катнаша.

Масса күләм мәгълүмат чараларыннан гына да 15 номинациядә 145 конкурс эше кергән иде.

Конкурс лауреатлары Татарстан Республикасы муниципаль берәмлекләр Советының махсус дипломнары hәм акчалата бүләкләр,кызыксындыру призлары белән бүләкләнәләр. Җиңүчеләрне хөрмәтләү Җирле үзидарә Көне  алдыннан уздырыла. Ул Россиядә икенче ел инде 21 апрельдә билгеләп үтелә.