ТР муниципаль берәмлекләре Советы Ассоциациясе

Иң төзек җирлек исеме

2014 елның 4 апреле, җомга

Россия Федерациясенең региональ үсеш министрлыгының 2014 елның 28 февраленнән булган 47 номерлы приказы белән 2013 ел йомгаклары буенча Россиядә иң төзек шәhәр(авыл) җирлеге исемен алу өчен Бөтенроссия конкурсы игълан ителде.

Ул конкурс муниципаль берәмлекләр арасында 6 категория буенча үткәрелә.

I категория-Россия Федерациясе субъекты буларак админстрация үзәге шәhәр җирлеге;

II категория-100 мең hәм аннан күбрәк халкы булган шәhәр җирлеге(шәhәр округы),(шул исәптән федераль дәрәҗәдәге Мәскәү hәм Санкт-Петербург шәhәрләренең шәhәр эче территорияләре),

III категория-100 меңгә кадәр халкы булган шәhәр җирлеге(шәhәр округлары),(шул исәптән федераль дәрәҗәдәге Мәскәү hәм Санкт-Петербургның шәhәр эче территорияләре);

IV категория-5 мең hәм аннан күбрәк халкы булган авыл җирлекләре;

V категория-3 меңнән алып, 5 меңгә кадәр халкы булган авыл җирлекләре;

VI категория-3 меңгә кадәр халкы булган авыл җирлекләре;

Конкурс уздырганда җирле үзидарә органнарының отчет чорында халыкның яшәү тирәлегендә уңай шартлар тудыра алуы исәпкә кертеләчәк.

Конкурс материалларын Россия Федерациясенең региональ үсеш министрлыгына түбәндәге адрес белән җибәрелә:Мәскәү шәhәре,Красная Пресня ур. 3 йорт. Җибәрү срогы - 2014 елның 30 апреленә кадәр.

ТР муниципаль берәмлекләр Советы Матбугат хезмәте

БАРЛЫК ЯҢАЛЫКЛАРНЫ УКУ