Бүләкләр лаеклыларны табар

2014 елның 17 апрелендә 15.00 сәгатьтә ТР Дәүләт Советы бинасының кече залында: “Муниципаль идарә өлкәсендә иң яхшы хезмәткәр”,”Татарстан Республикасының муниципаль берәмлекләрендә иң яхшы җәмәгать инициативасы”,”Масса күләм мәгълүмат чараларында җирле үзидарә темасын иң яхшы яктырту буенча республика конкурсы” дигән тематика буенча җиңүчеләрне зурлау тантанасы үткәреләчәк.

Мәгълүм булганча,бу конкурслар ТР муниципаль берәмлекләр Советы инициативасы белән уздырыла.

Әлеге чараларда ТР муниципаль берәмлекләр Советы Рәисе Минсәгыйть Шакиров,ТР Президенты Аппаратының җаваплы хезмәткәрләре,республика муниципаль җәмәгатьчелеге hәм масса күләм мәгълүмат чаралары вәкилләре катнашачак.

Искә алган конкурслар 2006 елдан ТР муниципаль берәмлекләр Советы инициативасы hәм ТР Президенты яклавы белән алып барыла.Аларның төп максаты-җирле үзидарә органнарының эш сыйфатын күтәрү.

Быел бу конкурсларда традиция буенча Татарстанның барлык  муниципаль берәмлекләре hәм шәhәр округлары катнашты.

Конкурсны үткәрү буенча Оештыру комитетына 145 конкурс материалы керде (узган 2013 елда конкурска 125 хезмәт кергән иде).

Лауреатлар ТР муниципаль берәмлекләр Советның махсус дипломнарын hәм акчалата бүләкләр, кызыксындыру призлары алачаклар.

Бүләкләрнең акчалата күләме 20 hәм 15 мең сум тәшкил итә.