Грантларны- эшкә!

ТР муниципаль берәмлекләр Советы авыл җирлекләренә багышланган грантлар буенча республика конкурсы игълан итә.Әлеге конкурс Татарстанның авыл җирлекләрендә җирле үзидарә органнары эшчәнлеген куәтләүгә юнәлдерелгән.Ул ТР Министрлар Кабинетының 29.08.2013 ел,№614 санлы “Авыл җирлекләренә грантлар турында” дигән карарына нигезләнгән.

Заявкаларны hәм мәгълүмати карталарны ТР муницпаль берәмлекләр Советына 2014 елның 15 маеннан калмыйча,түбәндәге адрес белән:Казан,Кремль,1 подъезд, 206 каб.,тел,(843) 292-48-17,электрон почтасы:b Elvira Murtasina@tatar.ru га җибәәрергә кирәк.

Конкурс материаллары берничә күрсәткеч аша бәяләнәләр:җирлекең бер кешесенә туры килгән салым hәм салымсыз доходлары,100 кешегә туры килгән кече hәм урта кәсәбәчелек субъектлары,мөгезле эре терлекләр саны,авыл җирлегендә яшәүче бер кешегә туры килгән торак төзелеше күләме h.б.

Бүген ТР муниципаль берәмлекләр Советында республика конкурсының оештыру комитеты утырышы уздырылды.

Анда ТР Президенты Аппараы Җитәкчесе урынбасары-ТР Президентының территорияләр белән зшләү идарәсе башлыгы Илнур Гарипов,ТР финанс министры урынбасары Алла Анфимова,ТР авыл хуҗалыгы hәм азык-төлек министрлыгының инвестицияләр сәясәте hәм максатчан программалар бүлеге башлыгы Илдар Гафаров hәм башкалар катнашты.

Утырышны ТР муниципаль  берәмлекләр Советы Рәисе Минсәгыйть Шакиров алып барды.

“Татарстан Президенты Рөстәм Миңнехановның тырышлыгы аркасында Россиядә бердән-бер булган авыл җирлекләрен грант системасы  яклавын куллана алабыз.Бу акчалар республика муниципаллары арасында гаеп-кыексыз бүленергә тиеш,”дип искәртте М.Шакиров үзенең конкурсны куәтләү сүзендә.

Узган ел авыл җирлекләренә грантлар бирүдә барлык 43 муниципаль район катнашты.

Урыннардан 217 заявка кергән иде.104 авыл җирлеге җиңүче дип табылды, аларның hәркайсына Хөкүмәтнең резерв фондыннан 1-әр миллион сум    акча бүленде.

Бу акчалар авыл эче юлларын төзәтергә,су белән тәэмин итүне яхшыртырга,җирлекләрне төзекләндерү өчен техника сатып алырга hәм башка социаль яктан мәгънәле булган эшләр башкарырга тотылды.