Үзидарәдә үзгәлек

Россиянең hәр регионы җирле хакимият системасын ничек коруны үзе хәл итәргә, гражданнар мәнфәгатенә җирле үзидарәнең кайсы формасы туры килгәнен урында сайларга тиешләр, дип фикер йөртте РФ Президенты Владимир Путин кичә Иваново шәhәрендә узган җирле үзидарә үсеше буенча Совет утырышында. 

Дәүләт башлыгы җирле үзидарәне оештыруны яхшырту уңаеннан РФ ның 131-нче законының яңа редакциясе кабул ителүен искәртте.

Аерым алганда,кабул ителгән өстәмәләр эре шәhәрләрдә шәhәр округлары эчендә яңа муниципаль  берәмлекләр оештырырга мөмкинлек биреп,бер район эчендә бүленешне рөхсәт итә.Путин кушуынча,алты ай дәвамында РФ регионнарының барысында да җирле үзидарә турында закон кабул ителергә тиеш.

Президент фикеренчә,җирле мәсьәләләрне чишүдә гражданнарны  күбрәк катнаштырырга кирәк.Владимир Путин иҗтимагый фикер Фондының 2014 елның май аенда үткәргән фикер белү сорауларында миллион кеше яшәгән шәhәрләрдә халыкның 79 проценты үзләренең депутатларын белмиләр. 250 мең кешедән алып,бер миллионлы шәhәрләрдә бу күрсәткеч 76 процент тәшкил итә.100 мең кешедән алып,250 мең кешеле шәhәрләрдә әлеге күрсәткеч бары 73 процент.

Президент законның яңа редакциясендә сайланган вәкилләрнең җирле халык арасында җаваплылыгы артачагын күрсәтте.

Аларның бүгенгесе көндә иң мөhим бурычы-муниципаль җәмәгатьчелек белән диалог кору,шуның нәтиҗәсе буларак РФ ның hәр регионында үзидарәне оештыру законын булдыру, дип хәбәр итә “Интерфакс”