Президент кулыннан

Бүген ТР Дәүләт Советы янындагы мәйданда Татарстан Президенты Татарстан Республикасы муниципаль берәмлекләр Советы тарафыннан ел да муниципаль берәмлекләр арасында уздырыла торган смотр-конкурста җиңгән лауреатларга Республика көне уңеннан бүләкләр тапшырды.

Тантанада Татарстан Дәүләт Советы Рәисе урынбасары Римма Ратникова,ТР Президенты Аппараты җитәкчесе Әсгать Сәфәров,ТР Премьер-министрының беренче урынбасары Алексей Песошин,Татарстан Республикасы муниципаль берәмлекләр Советы Рәисе Минсәгыйть Шакиров hәм башка рәсми затлар катнашты.

Татарстан Президенты үзенең чыгышында муниципаль берәмлекләр конкурсында җиңүчеләрне Республика көне алдыннан бүләкләү әйбәт традициягә әверелгәнен ассызыклап әйтте.

“Муниципаль дәрәҗә-ул безнең нигез,безнең терәк.Иң нык нигез-ул җирлек дәрәҗәсе.Без сезнең белән бергәләп муниципаль дәрәҗәгә,муниципаль җирлеккә игътибар итәргә карар кылдык.hәм төп программалар,алар республикада 30-га якын-болар өстенә федераль дәрәҗәдәгеләр дә бар-нигездә алар җирлекләр дәрәҗәсенә юнәлтелгән.Моны сез үзегез дә сизәсездер,”-дип ассызыклады Татарстан башлыгы hәм республиканы үстерүгә керткән өлешләре өчен муниципалларга рәхмәтен җиткерде.

Рөстәм Миңнеханов әйткәнчә,Татарстанда соңгы елларда уңай үзгәрешләр күзгә күренеп тора.Бүген республикабыз күп күрсәткечләр буенча илебездә лидер-төбәк буларак танылды.

“Хакимиятнең hәм бизнесның барлык дәрәҗәләренең бердәм,системалы эшләве генә без алга куйган бурычларны хәл итәргә булыша.hәм монда алдынгы звено булып муниципаль дәрәҗә калка,нәкъ шунда хакимият hәм халыкның төп контактлары хасыйл була.

Сез җиңеп алган автомашиналар сезгә өлгерерәк эшләргә,халык белән аралашырга,туган мәсьәләләрне тизрәк чишәгә булышыр.Мин ышанам,безнең юлыбыз дөрес,”-дип раслады Президент.

ТР муниципаль берәмлекләр Советы Рәисе Минсәгыйть Шакиров үз чиратында республика җитәкчелегенең hәртөрле ярдәмнәре нәтиҗәсендә муниципаль җәмәгатьчелек җирлекләрнең эшчәнлеген уңышлы рәвештә тормышка ашыра,халыкның тормыш дәрәҗәсен күтәрүне тәэмин итә,дип билгеләп узды.

“308 муниципаль берәмлек үзсалым кысаларында республика бюджетыннан 126 миллион сум өстәмә акча финанслаауга ирештеләр,шул ук вакытта 104 авыл җирлегенә 1-әр миллион сум грантларга караган акча бүленде,”-дип хәбәр итте Минсәгыйть  Шакиров hәм коллегалары исеменнән, нәтиҗәле ярдәмнәре өчен,республика җитәкчелегенә рәхмәтен җиткереп,мунициаль җәмәгатьчелек алга таба да Татарстанның социаль-икътисади үсешенә лаеклы өлеш кертәчәгенә ышандырды.

Лауреатлар исеменнән республика җитәкчелегенә рәхмәтен Алексеевск муниципаль районының Ялкын авыл җирлеге башлыгы Ирина Гущина белдерде.

Мәгълүм булганча,Татарстан Республикасы муниципаль берәмлекләр Советы җирле органнарның нәтиҗәле эшләүләрен,халыкның тормыш сыйфатын күтәрү ниятендә смотр-конкурсларны 2011 елдан бирле үткәреп килә.

Быел конкурска 201 заявка бирелгән иде,2013 елда бу сан 189 заявка тәшкил иткән иде.

Аларны бәяләүнең төп билгеләреннән:муниципаль берәмлеккә кергән торак пунктлар саны,аларның район үзәгеннән ераклыгы(авыл җирлеге өчен),ел дәвамында авыл җирлегендә яшәгән кешеләр саны,бер кеше исәбенә туры килгән салымлы hәм салымлы булмаган доходлары,авыл җирлегендәге мөгезле эре терлек саны,бер кешегә туры килгән торак төзелеше мәйданы,кече hәм урта кәсәбәчелекнең тормышка ашырылуы,кешеләрнең үз-үзләрен эш белән тәэмин итүе,җинаятьчелек,социаль-мәдәни hәм спорт тормышы hәм башкалар исәпкә алына.

Шәhәр округларында муниципаль учреждениеләр эшчәнлеге күрсәткечләре ведомство күрсәткечләренә туры килүе алына.

Оештыру комитеты карары белән смотр-конкурста 93 муниципаль берәмлек,7 муниципаль учреждение(ике шәhәр округыннан) җиңүче дип табылды.

Бу юлы смотр-конкурста җиңүчеләргә, “Шевроле Нива” автомашинасы белән бергә, микроавтобуслар да(“Форд-транзит”маркалы) бирелде.