Тәҗрибә артыннан

3 сентябрьдән 5 сентябрьгә кадәр оештыру hәм башка эшчәнлекне җирле үзидарә өлкәсендә алып бару тәҗрибәсе белән уртаклашу кысаларында Татарстанга Ростов өлкәсенең губернатор урынбасары Александр Ищенко hәм Ростов өлкәсе Хөкүмәтенең төбәк hәм муниципаль сәясәт идарәсе башлыгы урынбасары Дмитрий Сивак килгәннәр иде.

Бүген кунаклар Казан Кремлендә булып,ТР муниципаль берәмлекләр Советы Рәисе Минсәгыйть Шакиров белән очраштылар.Бу чарада ТР Президентының территорияләр белән эшләү идарәсе башлыгы урынбасары Андрей Нефедов та катнашты.

Әңгәмә вакытында Минсәгыйть Шакиров кунакларны ТР муниципаль берәмлекләр Советының җирле үзидарә моделе hәм Советның төзелеше,эшчәнлеге белән таныштырды.

“Республикадагы 955 берәмлекнең 10 проценты үз көннәрен үзләре күрәләр.Калганнары исә дотация барәбәренә яши.Әмма бездә байтак социаль-икътисади программалар тормышка ашырыла.Татарстанның үз программалары гына 27 исәпләнә,ә федераль программаларны кушсаң,алар 50 программа тирәсе,”-дип төгәлләде ТР муниципаль берәмлекләр Советы Рәисе.

Ростов губернаторы урынбасары үз регионнарындагы хәлне сурәтләп күрсәтте.

Төбәктә 2300 торак пункты исәпләнә.Биредә 4,3 миллион кеше яши.Өлкәдә 463 муниципаль берәмлек оешкан.Алардан 12-се шәhәр округлары,43 муниципаль район,408 җирлек,шуларның 390-ы авыл җирлеге,ә 18-е шәhәрнеке.

Ищенко хәбәр итүенчә,өлкәнең 15 процент муниципаль берәмлеге депрессив hәм нык депрессив хәлендә.

“Быелның май аенда 136-ФЗ номерлы Федераль закон кабул ителгәннән соң,табигый ки,без җирлекләр hәм районнар арасында вәкаләтләрне бүлешү системасын үзгәртергә керештек.Аннары бер фикергә килдек:бөтенесен дә үзгәртеп ташламаска кирәк.Федераль үзәк үзгәртүләрне Бюджет кодексында ничек тамгалый бит әле,”-дип аңлатты Александр Ищенко.

Ростов өлкәсе муниципалитетларында үзидарәнең мәҗбүри органнары буларак муниципаль берәмлек башлыгы,администрация hәм вәкаләтле орган исәпләнә.

“Соңгы егерме елда муниципаль органнар башлыклары бездә туры сайлаулар аша сайландылар. Ә Татарстанда,федерация субъекты буларак,вәкаләтле орган аша сайланган беренче зат муниципалитетның бөтен сәясәтен билгели. Без бүген шушы схеманы өйрәнеп,аны безнең өлкәдә кулланмакчы булабыз,”-дип белдерде Ростов өлкәсе губернаторы урынбасары.

Ростов өлкәсенең Закон җыены депутатлары төбәктә шәhәр башлыкларын туры сайлауларда сайлауны кире кагучы закон кабул иттеләр.Бу закон кысаларында шәhәр думасы рәисе шәhәр башлыгы итеп билгеләнә. Администрация башлыгы (сити-менеджер) конкурс йомгаклары буенча депутатлар тарафыннан эшкә куела.