Чиновникның ыспай киеме

Татарстан башкаласында шәhәр чиновникларының хезмәттә нәтиҗәлерәк эшләүләрен яңа терминда яңгыраган “дресс-код” аша да күтәрергә ниятләп,кичә,ягъни 11 сентябрьдә муниципаль  хезмткәрләрнең этика hәм хезмәт кагыйдәләре Кодексын үзгәртү турында карар кабул итеп,аны Казан башкарма комитетының документлар hәм хокукый актлар Җыентыгында бастырдылар.

Аерым алганда,документта муниципаль хезмәткәрләр киемендә җыйнаклык,,пөхтәлек-күркәмлек булырга тиешлеге,әмма ис китәрә,шаккатыра торган(экстравагантность!) чалымнар булмавы таләп ителә.Кием,тулаем алганда,классик эш стиленә туры килергә тиеш.Кигән кием өстенә кеше сурәте,җанвар сурәтләре,төрле бормалы имзалар кую тыела,кендек тирәләрен үтәли күрсәткән тукыма hәм киемнәр шулай ук кагыйдәгә сыймый.Кагыйдәләрнең аерым пунктлары ачык тәндә татуировка булуын,чәч җыемнарының табигый булмаган төсләрен дә өнәми,яшьләрнең субкультурасына ияргән стиль дә тәртипкә саналмый.Макияж,бизәнү әйберләрендә дә чама булуы кирәк.

Мәсәлән,сыңар аякка затлы чылбыр киеп йөрү тыела.

Тышкы кыяфәткә таләпләр эш сәгатьләрендә эш урынында гына түгел,эш йомышларын чишкәндә ял көннәрендә дә сакланырга,үтәлергә тиеш, дип искәртелә Кодекста.