ТР муниципаль берәмлекләре Советы Ассоциациясе

Үсеш мәйданчыклары

2014 елның 15 октябре, чәршәмбе

Бүген Теләчедә ТР Министрлар Кабинеты каршындагы Икътисади Советның сәнәгать паркларын hәм сәнәгать мәйданчыкларын муниципаль дәрәҗәдә оештыру hәм үстерү мәсьәләләре буенча утырышы уздырылды.

ТР Президенты Рөстәм Миңнеханов үткәргән бу чарада ТР муниципаль берәмлекләр Советы Рәисе Минсәгыйть Шакиров катнашты.

Теләчедә булулары вакытында Татарстан башлыгы hәм аны озатып йөрүче рәсми затлар “Теләче” сәнәгать паркы белән таныштылар.Биредә яңа производстволарны эшкә җибәрү тантанасы да булды.

Исегезгә төшерәбез,Теләче районы территориясендә хосусый индустриаль парк ясау турындагы карар 2012 елда кабул ителгән иде.Җитештерү объектларын урнаштыру өчен 33 гектар җир бүлеп бирелде.

Парк ясау проекты район шартларының конкуренция өстенлеген дә исәпкә алган иде.

Иң беренче кулай өстенлек- ул уңайлы логистика,чимал ресурсларының hәм сәүдә базарларының якынлыгы.

Индустриаль парк территориясендә урнашкан произвдстволар нигездә полимер материалларны файдалануга hәм табигый чималлардан-агач,ком,кызыл балчыкны hәм башкадарны куллануга юнәлдерелгән иде.

Бүгенге көнгә промпаркның идарә итүче компаниясе 16 резидент белән килешүләр төзеде.Аларның өчесе производстволарны эшкә җибәрделәр инде,дип хәбәр итә “Татар-информ” агентлыгы.

БАРЛЫК ЯҢАЛЫКЛАРНЫ УКУ