Муииципалларга Яңа ел алдыннан - яңа автомашина

Кичә,14 ноябрьдә ТР муниципаль берәмлекләр Советында муниципаль берәмлекләр арасында республика смотр-конкурсының оештыру комитеты утырышы уздырылды.

Бу утырышта ТР Президенты Аппараты җитәкчесе урынбасары=ТР Президетының территорияләр белән эшләү Идарәсе башлыгы Илнур Гарипов,ТР Дәүләт Советының дәүләт корылышы hәм җирле үзидарә комитеты рәисе Альберт Хәбибуллин,ТР икътисад министры урынбасары Наталья Таркаева,ТР юстиция министры урынбасары Мөхәррәм Ибәтов,Казан вице-мэры Людмила Андреева,Алексеевск районы башлыгы Владимир Козонков hәм башкалар катнашты.

Утырышны ТР муниципаль берәмлекләр Советы Рәисе Минсәгыйть Шакиров алып барды.       

Исегезгә төшерәбез,конкурс ТР муниципаль берәмлекләр Советы тарафыннан җирле үзидарә органнары эшчәнлегенең нәтиҗәлелеген күтәрү өчен үткәрелә.Ул конкурста республиканың барлык муниципаль районнары hәм ике шәhәр округы катнаша.Конкурска әзерләнү йөзеннән hәр райода махсус конкурс комиссиясе төзелә.

Конкурста җиңүчеләрне хөрмәтләү тантанасы Казанда 26 декабрьдә ТР муниципаль берәмлекләр Советы съезды кысаларында узачак.Бүләкләнүчеләрне җиңел автомашиналар көтә.