Төзәтмәләрне барлау

Кичә,18 ноябрьдә,ТР муниципаль берәмлекләр Советы Рәисе Минсәгыйть Шакиров  ТР Дәүләт Советының дәүләт корылышы hәм җирле үзидарә Комитеты утырышында катнашты. Утырышта “Татарстан Республикасында җирле үзидарә турында”дигән Законга үзгәрешләр кертү буенча закон проекты утырышта күтәрелгән иң мөhим темаларның берсе булды.

Исегезгә төшерәбез,2014 елның 27 маенда 131-ФЗ номерлы федераль закон үз көченә керде.Шул үзгәрешләр нисбәтеннән авыл җирлекләре вәкаләтләре 38 пункттан 13-кә калдырылды.Аерым алганда,гражданлык оборонасы,халыкны hәм территорияләрне гадәттән тыш хәлләрдән саклау,муниципаль торак контроле,торак пункт чикләрендә электр,җылылык hәм су белән тәэмин итү раөон дәрәҗәсенә тапшырыла.Зиратларны карап тору,көнкүреш каты отходларын чыгару да өстәге хакимият кармагына бирелә.

Мондый үзгәрешләр,билгеле,халык трафыннан ыңгыр-шыңгыр белән генә кабул ителде.

Авылларда үлем-китем уңаеннан килеп чыккан мәшәкатьләрнечишүдә,чүп түгү урыннарын тотуда мөстәкыль эш башкара алмыйлар.Ә районның,яисә шәhәрнең мондый эшләрне башкарырга “кулы җитми”.Югыйсә боларны чишү катгый эш булып кала.

“Муниципалитетлар юл төзәтү эшенә дә тотына алмыйлар.Су үткәрү линиясенә 15 метр торба салу да зур проблемага әйләнә”,дигән фикерне куәтләде Минсәгыйть Шакиров.

“Шушы сурәттә дә,ТР Дәүләт Советы Рәисе урынбасары Римма Ратникова әйткәнчә,авыл җирлекләре бу вәкаләтләрне үзләре башкарырга әзер”.

“Татарстан Республикасында җирле үзидарә законы турында”гы законга үзгәрешләр кертү турындагы закон пректын депутатлар 26 ноябрьдә үтәчәк сессиядә беренче укылышшта карап,үлем-китем мәсьәләләрен,эиратларны карап торуны,көнкүреш отходларын җыюны hәм чыгаруны “җирлекләрнең урындагы мәсьәләләренә калдыруны” караячаклар,дип хәбәр итә ТР Дәүләт Советының җәмәгатьчелек hәм масса күләм мәгълүмат чаралары белән үзара эшчәнлек бүлеге.