Ингуш республикасы кунаклары

18-21 ноябрьдә Татарстанда Ингуш республикасының башкарма хакимият hәм җирле үзидарә органары вәкилләре эш сәфәре кыла .Аларның килү максатлары-җирле үзидарә органнары эшен оештыру-көйләүне hәм аларның эшчәлеген җәелдерүне өйрәнү иде.

Бүген кунаклар ТР муниципаль берәмлекләр Советында булып,Совет Рәисе Минсәгыйть Шакиров белән очраштылар.Бу чарада ТР юстиция министрының беренче урынбасары Рөстәм Заhидуллин,ТР финанс министры урынбасары Алла Анфимова,ТР җир hәм мөлкәт мөнәсәбәтләре министры урынбасары Фәрит Мусин,ТР муниципаль берәмлекләр Советының җаваплы хезмәткәрләре катнашты.

Әңгәмә барышында Минсәгыйть Шакиров кунакларны җирле үзидарәнең Татарстан моделе,ТР муниципаль берәмлекләр структурасы hәм эшчәнлеге белән таныштырды,Татарстанда тормышка ашырыла торган социаль-икътисади программалар хакында  кыскача сөйләп бирде.

Ингушетиянең Карабулак шәhәре мэры Мөслим Яндиев үз чиратында үз республикаларының Россия Федерациясендә иң кечкенә субъект булганлыгын җиткерде.Республика составында 8 муниципаль берәмлек-дүрт шәhәр hәм дүрт район.Бу берәмлекләрдә бүгенге көндә иң әhәмиятле проблема-бюджетларны оештырып,салымнарны җыю hәм түләүләр дисциплинасын яхшырту.

“Бу өлкәдә без Татарстан тәҗрибәсен өйрәнмәкче булабыз.Безнең өчен җир участокларын рөхсәтсез биләү hәм рөхсәтсез төзелеш эшләре алып бару очракларын хәл итү  кызыклы.Җирле үзидарә органнарында сайлаулар уздыру hәм башка кайбер  гомуми сораулар борчый.Сездәге башкарма органнарның hәм җирле үзидарәнең үзара мөнәсәбәтләре үрнәген без үзебездә пилотный проект итеп алырга әзерләнәбез,-диде Мөслим Яндиев.

Шушы максат белән Ингуш республикасы делегациясе вәкилләре бүген республиканың берничә министрлыгында hәм Казан шәhәре башкарма комитетында булдылар. Иртәгә республика кунаклары Лаеш муниципаль районында булып,район җитәкчеләре белән очрашачаклар,социаль-мәдәни объектларны төзү тәҗрибәсен өйрәнәчәкләр.