Җитәкче алышынды

Кичә,19 ноябрьдә,Сарман район Советы,ТР Премьер-министры Илдар Халиков катнашында,муниципаль берәмлек башкарма комитетының җитәкчесе вазыйфасын вакытлыча Фәрит Хөснуллинга йөкләде.Ул элек авыл хуҗалыгы hәм азык-төлек идарәсе башлыгы иде.

Совет район башлыгы Нәфис Закировның эштән китүен раслады.Ул эшкә “Татнефть”»акционерлык җәмгыятенә күчә.

Илдар Халиков әйткәнчә,бүгенге көндә Сарман районы республика рейтингында лаеклы урында тора.

"Соңгы 15 ел дәвамындагы казанышларда район җитәкчесенең лаеклы өлеше бар.Ул эшне кризис чорында башлаган иде.Авырлыкларны ипле җиңеп барды.Район ирешкән уңышларда җитәкче командасы бердәм булды.Мин үзем шаhит,район күзгә күренеп алга китте”,- диде Премьер-министр, дип хәбәр итә ТР Президенты пресса хезмәте.