Иҗтимагый үзидарәләр адымы

Кичә,26 ноябрьдә,Чистайда ТР Президенты Аппараты hәм ТР муниципаль берәмлекләр Советы инициативасы белән территориаль иҗтимагый үзидарә(ТИҮ) оешмалары семиар-киңәшмәсе узды.Бу чарада ресублика министрлыклары hәм    

ведомстволардан җаваплы хезмәткәрләр чакырылган иде

ТР муниципаль берәмлекләр Советы Рәисе Минсәгыйть Шакиров форумны ачып,территориаль иҗтимагый оешмаларын кызыксындыру,аларга финанс ягыннан ярдәм итү йөзеннән уңай эшдәр башкарылганын хәбәр итте.

Территориаль иҗтимагый үзидарә институтының үсеше халыкның үзидарәгә тартылуының мөhим формасы булып торганын ассызыклады Совет башлыгы.

“Территораль иҗтимагый үзидарә гражданнарның инициативасы булып урында калкып чыга.Ул инициатива урында социаль яктан әhәмиятле мәсьәләләрне чишкәндә хасыйл була.

Территорияләрне төзекләндерү,хокук бозуларны кисәтү,мәдәни,спорт-сәламәтләндерү чаралары уңаеннан бу бигрәк тә кирәк.Территориаль иҗтимагый үзидарә-халыкның үзидарәдә катнашуын раслаучы дәлил буларак рас килә,”-диде Минсәгыйть Шакиров.

Бүген республикада 331 территораль иҗтимагый үзидарә Советы исәпләнә.Аларның 235-е быел оешкан.

Совет Рәисе әйтүенчә, хөкүмәт кушкан боерык белән муниципаль берәмлекләргә ярдәм йөзеннән субсидияләр бүленеп бирелде.Ул территориаль иҗтимагый үзидарә җитәкчеләренә аерым түләүне  тәэмин итү өчен тотылачак.Бу сумма авыл җирлегендәге территориаль иҗтимагый үзидарә җитәкчесенә 10 мең сум,шәhәр округларындагыларга 15 мең сум күләмендә каралган.

ТИҮ оешмаларын төзүнең хокукый hәм оештыру үзенчәлекләре турында ТР муниципаль берәмлекләр Советы юридик идарә җитәкчесе Луиза Курманова сөйләде.

ТИҮ җиткчеләре алдында Чистай муниципаль районы башкарма комитеты җиитәкчесе Дмитрий Иванов,ТР финанс министрлыгы,ТР буенча РФ юстициия министрлыгы,ТР буенча РФ эчке эшләр министрлыгы,ТР төзелеш министрлыгы вәкилләре hәм территориаль иҗтимагый үзидарәнең республикадагы кайбер оешмалары җитәкчеләре дә чыгыш ясадылар.