“Барысына да каршы” графасы юк ителә

ТР Дәүләт Советы республиканың Сайлау кодексына үзгәреш кертте.Депутатлар бюллетеньдәге “барысына да каршы”дигән графаны кире кагарга тавыш бирделәр. Сүз 2015 елның 13 сентябрендә узачак сайлауларда кулланылачак бюллетеньнәр турында бара. “ТР ның Сайлау кодексына hәм ТР ының аерым закон актларына үзгәреш кертү” дигән Закон проекты икенче укуда кабул ителде hәм тулаем расланды. Документ республиканың Сайлау законын федераль законга туры китерү өчен шундый төгәллек кертү соралды. 

Парламентның дәүләт төзелеше  hәм җирле үзидарә комитеты рәисе Альберт  Хәбибуллин аңлатуынча,бүген Татарстанда партияләрнең 60 бүлеге эшли.Алар арасыннан теләсә кайсына тавыш бирергә мөмкин. Сайлау тәҗрибәсендә “барысына да каршы” графасы буенча бюллетень  тутырып,зур күпчелек өстенлек алса,сайлауны кабаттан уздырырга туры киләчәк. Нәтиҗәдә өстәмә бюджет чыгымнары сарыф ителәчәк.