ТР муниципаль берәмлекләре Советы Ассоциациясе

Тәҗрибә үрнәге

2015 елның 18 апреле, шимбә

15-18 апрель арасында Татарстанда,алдынгы тәҗрибә өйрәнү максатында,Вогоградның Быковск районы делегациясе килгән иде.

Делегация бездә шул районның башлыгы Наталия Поволокина җитәкчелегендә танышып йөрде.

Кунаклар башта республикның Алексеевск районында булып,җирле муниципалларның эшчәнлеген өйрәнделәр.

Кичә,17 апрельдә,Волгоград вәкилләре ТР муниципаль берәмлекләр Советы Рәисе Минсәгыйть Шакиров белән очраштылар.Бу очрашуда ТР Президентының җавплы хезмәткәрләре,министрлыклар,ТР муниципаль берәмлекләр Советының җаваплы хезмәткәрләре катнашты.

Әңгәмә барышында Минсәгыйть Шакиров кунакларны җирле үзидарәнең Татарстан моделе hәм безнең Совет эшчәнлеге,аның структурасы белән таныштырды.

Наталия Поволокина үз чыгышында җирле үзидарә уңаеннан Татарстан моделенең күпкә алга киткән булуын искә алды.

“Татарстанга килү теләге моннан өч ел элек туган иде,ул теләкне быел гына тормышка ашыра алдык.Сезнең республикада булу безнең өчен нәтиҗәле булып чыкты.Биредә муниципаль идарәнең нәтиҗәле формасы төзелгән”,-диде Н.Поволокина.

Делегация башлыгы әйтүенчә,Волгоград өлкәсенең Быковск районында 13 авыл,бер шәhәр җирлеге бар.Районда 26,4 мең кеше көн күрә. Биредә 51 милләт яши икән.Авыл җирлекләрендә месхетин төрекләрен дә,корея кыз-егетләрен дә күрергә була.Казахлар,дагыстанлылар да очрый.

Район зур булмаса да,Н.Поволокина әйткәнчә,проблемалар җитәрлек.

Авыл хуҗалыгы өлкәсендә 426 фермер хуҗалыгы,шәхси хуҗалыклар да бар.Шулар җир мәйданының 51 процентын эшкәртәләр.Авыл хуҗалыгында логистика аксый,кулланучылар кооперацияләрендә дә зшлисе эшләр күп,ә биредә өйрәнер тәҗрибә шактый.

Волгоградлылылар өчен җирле үзидарә органнарының республика башкарма хакмият белән үзара хезмәттәшлеге,күзәтчелек органары белән мөнәсәбәтләр урнаштыру тәҗрибәсе,Татарстанда үзара татулык,тынычлык шартларында яшәү,эшләү үрнәкләре игътибарны җәлеп иткән.

ТР муниципаль берәмлекләр Советы Матбугат хезмәте

БАРЛЫК ЯҢАЛЫКЛАРНЫ УКУ