Тормыш сыйфаты хакына

Бүген,21 апрельдә,республиканың муниципаль  җәмәгатьчелеге, илебезнең барлык муниципалитетлары белән бергәләп,үзебезнең hөнәри бәйрәм-Җирле үзидарә көнен билгеләп үтә.

Шушы көндә без муниципаль берәмлекләр җитәкчеләрен,вәкаләтле органнар депутатларын-үз шәhәрләре,поселоклары,авыллары хакына зур кайгыртучанлык күрсәтүче барлык хезмәткәрләрне-чын күңелдә зурлыйбыз.Нәкъ аларга халык олы ышаныч күрсәтә, нәкъ алар кешеләрнең тормыш сыйфатын күтәрүдә армый-талмый эшлиләр. Муниципаллар “биштәрендә”—тормышның күпъяклы белем-серләрен туплаган байлык,тормыш тәҗрибәсе,тырышлык,җаваплылык.Куелган бурычларны үтәүдә болар иң кирәкле,мөhим ачкыч.таяныч.

Муниципалларның дәүләт хакимияты  белән үзара тыгыз хезмәттәшлеге белән Татарстаныбызда бүген яңа йортлар күтәрелә, социаль, мәдәни, көнкүреш объектлары сафка бастырыла,юллар инфраструктурасы яңартыла.урамнарны яктырту системалары төзелә,парклар,мәйданнар төзекләндерелә,мәчетләр,храмнар калкып чыга.

Шуларның нәтиҗәсе буларак,шәhәрләребез,авылларыбыз күз алдыбызда яңа төсмерләр ала,ул торак пунктларында яшәү өчен уңайлы,күркәм шартлар тудырыла,кешеләрдә алдагы көндә яшәүгә ышаныч,өмет арта.

Бүгенге бәйрәм көнендә Татарстан Республикасы муниципаль берәмлекләр Советы hәм шәхсән үз исемемнән республиканың җирле үзидарә хезмәткәрләренә нык сәламәтлек,бетмәс-төкәнмәс көч-куәт,аларның зур мәшәкатьле hөнәри хезмәтендә уңышлар,яхшы эшләре өчен хөрмәт,мактау сүзләре ишетүләрен телим! Барлык якташларыбыз үзебезнең туган йортыбыз-Татарстан Республикасында чын хуҗалар булырлар дип өметләнеп калам.