ТР муниципаль берәмлекләре Советы Ассоциациясе

Чикләрне билгеләү

2015 елның 8 июне, дүшәмбе

2015 елның 1 июненнән муниципалитетлар үз инициативалары белән җирле бюджет исәбенә җир участокларының чикләрен билгеләүне сорарга мөмкиннәр.Мондый хокук Россия Җир кодексына төзәтмәләр керткәннән соң үз көченә керде.Ә төзәтмәләр узган ел кабул ителгән иде.

Кадастр исәбенә куелган җирләр,чикләре билгеләнмәгән,яисә бөтенләй исәпкә куелмаган участоклар белән мәсьәләне хәл итеп булыр дип көтелә.

Шундый комплекслы кадастр эшләре бакча hәм дача җәмгыятьләренә дә кагылачак дип исәпләнелә.

Бу эшләр күрше-күлән арасындагы җир өчен бәхәсле судлашу эшләрен нык киметер, “виртауаль» җир участоклары уңаеннан хаоска да чик куяр дип көтелә.

Нәтиҗәдә җир үз ияләрен-налог түләүчеләрне табар дигән өмет бар.

Ә хәзергесе көндә Россиядәге җир участокларының яртысыннан артыгы(алар 29 миллион күләмендә Дәүләт кадастрында күчми торган мөлкәт буларак кертелгән инде) бүгенге Җир законнарына туры килмиләр.

Муниципалитет тарфыннан билгеләнгән межалау гражданнар өчен түләүсез үткәреләчәк.

Әлегә хәтле җир хуҗалары,боларга бакчачы-дачникларны да кертеп,участок чикләрен hәм межа бәхәсләрен үз исәпләренә алып баралар иде.

Әгәр муниципалитет тарафыннан межаланган чикләрне гражданин дөрес дип тапмаса,аңа килештерү комиссиясенә мөрәҗәгать итәргә була.

Ә чикләрне 15 ел дәвамында суд аша билгеләргә була.Шул дәвер эчендә бәхәс тукталмаса hәм суд катгый карар чыгармаса,чикләр килештерелгән булып исәпләнә.

2018 елның 1 гыйнварыннан башлап участокларның чикләрен төгәл билгеләү мәҗбүри шарт булып,бу эштән башка җирне сатып алу,сату,бүләк итү hәм закладка кую рөхсәт ителмәячәк.

ТР муниципаль берәмлекләр Советы Матбугат хезмәте

БАРЛЫК ЯҢАЛЫКЛАРНЫ УКУ