Сайладык!

Республика Үзәк сайлау комиссиясе 13 сентябрьдә узган сайлаулар нәтиҗәләре турында карар кабул итте. Республика башлыгы вазифаларын вакытлыча башкарган Рөстәм Миңнеханов җиңүче дип табылды.Аның өчен татарстанлыларның 94,4 проценты тавыш биргән.

КПРФ ның региональ бүлеге рәисе Хафиз Миргалимовка сайлауларда 62,5 мең кеше тавыш биргән.Бу-2,5 процент тәшкил итә.

“Справедливая Россия” партиясенең региональ бүлеге башлыгы Рушания Бильгильдиевага 40,9 мең кеше тавыш биргән.Бу-1,6 процент дигән сүз. Ә ЛДПР партиясенең региональ бүлеге координаторы урынбасары Руслан Йосыпов 19,7 мең сайлаучы тавышы җыйган,ягъни 0,8 процент алган.

Татарстанда президентны турыдан-туры сайлау 2001 елда уздырылган булган.

Татарстанда сайлауларда 84,2 процент сайлаучы катнашып,шуларның 119 меңе тавышларын алдан биргәннәр.Ә бу бары 4,1 процент тәшкил итә.

Татарстан Президенты Рөстәм Миңнехановның үз вазифаларын үтәүгә керешү танаанасы Казанның Сәлих Сәйдәшев исемендәге концерт залында 18 сентябрьдә үткәреләчәк. Бу турыда республика парламенты сайты хәбәр итә. Закон буенча республика башлыгы 1 октябрьгә кадәр парламентка үзенең еллык юлламасын тәкъдим итәргә тиеш.