Уку-укыту курслары

Кичә,30 ноябрьдә Казан(Идел буе) федераль дәүләт hәм муниципаль университетында яңа сайланган авыл hәм шәhәр җирлекләре башлыклары квалификация күтәрү курслаында укырга керештеләр. Курсларның темасы “Татарстан Республикасында җирлекләрнең үсеше:иң яхшы практикалар” дип атала. Юнәлеш бирү лекциясе белән шәкертләр алдында ТР муниципаль берәмлекләр Советы башкаручы сәркатибе Александр Барышев чыгыш ясады.

Курсларның 6-нчы группасына республиканың 32 муниципаль берәмлеге башлыгы җыйналган.Алар арасында Яшел Үзән,Кама Тамагы,Кукмара,Лаеш,Лениногорск,Мамадыш,Менделеевск,Минзәлә,Мөслим,Түбән Кама,Нурлат,Чистай hәм Ютазы муниципаль берәмлекләр җитәкчеләре бар.

Дәүләт hәм муниципаль идарәнең Югары мәктәбендә дәүләт учреждениеләре hәм муниципалитетлар хезмәткәрләре дә белем күтәрә.

Алар өчен билгеләнгән программа буенча укулар 24 ноябрьдән башланып,3 декабрьгә хәтле дәвам итәчәк.

Курсларда укучылар үз хезмәтләренең нәтиҗәлелеген күтәрү серләре,икътисади планлаштыру,прогнозлар ясау,икътисад өлкәсендәге көтелмәгән хәлләр белән идарә итү,дәүләт,җирле үзидарә органары эшчәнлегендә коррупциягә каршы көрәшү технологияләре белән танышачаклар. Шул ук вакытта торак-коммуналь хуҗалыгы,транспорт комплексы эшчәнлегендәге актуаль hәм заман таләпләренә туры килгән мәсьәләләрне өйрәнәчәкләр.